ጥምቀት

“ያመነ የተጠመቀ ይድናል፡ ያላመነ ግን ይፈረድበታል።” ማርቆስ ፲፮፤ ፲፮
ጥምቀት ማለት በሰዋስዋዊ ትርጉሙ “አጥመቀ፡ አጠመቀ፡ ነከረ” ከሚለው የግእዝ ግስ የተመሠረተ ቃል ሲሆን በውኃ ውስጥ መጥለቅ ወይም በእላያችን ላይ ወኃ ማፍሰሰ ማለት ነው። ጥምቀት አንድ ምእመን እንደገና ከመንፈስ ቅዱስ ልደት የሚያገኝበት የመጀመሪያ በር ነው። እውነተኛ ጥምቀት የጀመረው ወይም የመሠረተው ጌታችን እየሱስ ነው።

ጥምቀት የማይደገም ነው። ማለት ሁለተኛ ከእግዚአብሔር ለመወለደ አንጠመቅም ለፈውስ ካልሆነ በቀር የቤተ ክርስትያን አባቶች እንዳአስተማሩን “ወነአምን በአሐቲ ጥምቀት ለሥርየተ ኃጢአት” ትርጒሜው ኃጢአትን በምታሰተሠርይ በአንዲት ጥምቀት እናምናለን ማለት ነው። ሐዋርያው ቅዱስ ጳውሎስ ስለ ጥምቀት ሲያስተምረን “አንድ ጌታ አንድ ሃይማኖት አንዲት ጥምቀት” ይላል ( ኤፌ ፬፦፭)። ጥምቀት የሚፈጸመው ከቅስና ማዕረግ ጀምሮ ወደላይ ባሉት አገልጋዮች ይፈጸማል ማለት ነው ካህን ካልሆነ ግን መፈጸም አይችልም። በማን ሰም እንጠምቃለን? ለሚለው ጥያቄ መልሱ በማቴዎስ (፳፰፥፲፱ — ፳) እንደተጻፈው በአብ በወልድና በመንፈስ ቅዱስ ስም ይደረጋል። የክርስትና አገልግሎት ማለት ወንድ ልጅ በተወለደ በ40 ቀኑ ሴት ልጅ በተወለደች በ80 ቀኗ የሚፈጸም ሲሆን ነገር ግን በዚህ ቀን ያለተፈፀመላቸው ሰዎች አይጠመቁም ማለት አይደለም “የአመነ የተጠመቀ ይድናል” ባለው አምላካዊ ቃሉ በየትኛውም የእድሜ ክልል ለሁሉም ቤተ ክርስትያናችን አገልግሎቱን ትሰጣለች።

በጥምቀት የምናገኘው እግዚአብሔር ስጦታዎች፥

• ፩፦ የእግዚአብሔር ልጅ መሆንን የምናገኘው በጥምቀት ነው (ዮሐንስ፫፥ ፫—፭)
• ፪፦ በጥምቀት አባታችን ኢየሱስ ክርስቶስን እንመስላለን (ገለ ፫፥፳፯)
• ፫፦ አምነን ስንጠመቅ የመንፈስና የነፍስን ድህንነት እናገኛለን (ኤፌ ፭፥፳፮)
• ፬፦ የሕይወታችን መሠረቱ በጥምቀት ከእግዚአብሔር ያገኘነው ድኅነት ነው (ማር ፲፮፥፲፮)
• ፭፦ በጥምቀት ያገኘነው የልጅነት ስጦታ መሆኑን የእግዚአብሔር ቃል ያስተምረናል (ሮሜ ፮፥፩—፲)

When you or your family members are ready to bapitize fill in our Baptism Form and bring it to us. You may download our Baptism Form from here