ማህደረ መለኮት

ማህደረ መለኮት(2x)
ማርያም እመ ብዙሀን(2x)
መለኮት ያደረብሽ ከፍጥረት ተለይተሽ
ከሁሉ የተወደድሽ ንፅህት ክብርት ነሽ
ከቃል በላይ ቃል አለኝ ለክብርሽ መገለጫ
ገናንነትሽ በአለምም ድንግል ሆይ አለው ብልጫ
ማርያም እመ ብዙሀን(2x)
አላወዳድርሽም በምንም በማንም
ወልደሽ ስለሰጠሽኝ ፍቅርና ሰላም
ማርያም ማርያም እልሻለሁ ደግሜ ደጋግሜ
በወለድሽው መድሀኒት ስለቀለለ ሸክሜ
ማርያም እመ ብዙሀን(2x)
ተወስኗል በሆድሽ ያልቻሉት ሰማያቱ
በማህፀንሽ ሆኖ ያስገርማል መታየቱ
ሰባ ሰገል ተደንቀው ቤተልሔም ተገኙ
ወርቅ እጣንና ከርቤ ሊገብሩ ለአዳኙ
ማርያም እመ ብዙሀን(2x)
አላወዳድርሽም በምንም በማንም
ወልደሽ ስለሰጠሽኝ ፍቅርና ሰላም
ማርያም ማርያም እልሻለሁ ደግሜ ደጋግሜ
በወለድሽው መድሀኒት ስለቀለለ ሸክሜ
ማህደረ መለኮት(2x)
ማርያም እመ ብዙሀን(2x)

††† ††† †††
 

ማርያም ድንግል

ማርያም ድንግል ንጽህት
ምልእተ ጸጋ ደስ ይበልሽ
እመቤቴ /2x/ ፊትሽ ወድቄ ልሳለምሽ /2x/
የቆምሽበትን አከብራለሁ
በስእልሽ ፊት እሰግዳለሁ
ነፍሴ እንድትነፃ ከበደል
ዘወትር ከፊትሽ እማልዳለሁ
ግዞተኛ ነኝ በአለም
ነፃነቴ ነሽ ማርያም
አዝ . . . . . . . . .
የአሴቦን ልጆች ከእሩቅ
የጢሮስ ልጆች ከምስራቅ
መጡ ገስግሰው በደስታ
እናትነት ሽን ለማድነቅ
አምሐ ይዤ ለክብርሽ
እኔም ቆሜያለሁ ከደጅሽ
አዝ . . . . . . . . .
አጋንንት ፈሩ በሞገሷ
ልታማልደን ስትነሳ
እፁብ ነው ፍቅሯ በረከቷ
የአለምን ፍቅር የሚያስረሳ
ስምሽ ሲጠራ ለትውልድ
ዘወትር ይኖራል ሲያማልድ
አዝ . . . . . . . . . /2x/

††† ††† †††
 

ምስጋና ነው ስራዬ

ምስጋና ነው ስራዬ
በዘመኔ በእድሜዬ
ለዋለልኝ ውለታ
ምን ልክፈለው ለጌታ
ትናንትና ጥልቁ ነበረ መኖሪያዬ
የማዳኑ ቀኑ ደረሰ የጌታዬ
ራቁቴን ሸፍኖልኛል በብርሃኑ
ምግቤ ሆኗል ስሙን ማወደስ በየቀኑ
አዝ . . . . . . . . . . . .
አልተራብኩም አልተጠማሁም በዘመኔ
ምግበ ስጋ ምግበ ነፍስ ነው ጌታ ለእኔ
ተበጥሷል የእሳቱ ገመድ ሰንሰለት
አልረሳውም የርሱን ውለታ ብድራት
አዝ . . . . . . . . . . . .
ማን ያፈቅራል አስከ ሞት ድረስ ዋጋ ከፍሎ
ማን ያድናል ባለስልጣኑን ሞትን ገድሎ
አማኑኤል በፍቅሩ ጸዳል ምድርን ከድኖ
ሰው አርጎኛል የማይሆኑትን ሁሉ ሆኖ
አዝ . . . . . . . . . . . .
እንዴት ሆኜ ፍቅሩን ልግለጸው እንዴት ብዬ
ስለ እጆቹ በእምባ ጨቀየ መኝታዬ
በእርሱ ቁስል ነፍሴ ወጥታለች ከመከራ
በዝማሬ ስሙን ማክበር ነው የኔ ሰራ
አዝ . . . . . . . . . . . . /2x/

††† ††† †††
 

ምስጋናዬን ለአምላኬ አቀርባለሁ

ምስጋናዬን ለአምላኬ አቀርባለሁ
በማደሪያው ገብቼ እሰግድለታለሁ
ኤልሻዳይ ነው ጌታ ሁሉን ቻይ
ይፈጸማል አምናለሁ የልቤ ጉዳይ
ዘንባባዬን ይዤ እንደ ህጻናቱ
ሆሳእና ልበለው ሰግጄ በፊቱ
ምንም ባዶ ብሆን እውቀት ቢጎድለኝ
ለስሙ ልዘምር ከልካይም የለኝ

አዝ . . . . . . . . . . . .
አምላኬ በፊት ህ ቃል አለብኝ እኔ
ቋንቋዬ መዝሙር ነው ያንተ እንደመሆኔ
በአሚናዳብ ደጃፍ በቅድመ ታቦቱ
ያ የክብርህ ኡደት ጠራኝ ማህሌቱ

አዝ . . . . . . . . . . . .
የህይወት ትርጉሜ አንተ ነህ ደስታዬ
ስምህን ማገልገል ክብሬ ነው ስራዬ
ለታመነው ጌታ ምስክር የሆኑ
ከብረው ተመለሱ ለበረከት ሆኑ

አዝ . . . . . . . . . . . .
መነሻዬ አንተ ነህ ጉልበቴና ክብሬ
መድረሻዬም አንተ መደምደሚያ ቅጥሬ
በጽዮን ተራራ ስትገለጽ ያኔ
ነጩን ልብስ አልብሰህ አስነሳኝ ለቅኔ

አዝ . . . . . . . . . . . . /2x/

††† ††† ††† ††† †††
 

ሰላሜ በአንተ ነው

ሰላሜ በአንተ ነው የኔ ጌታ
እረፍቴ በአንተ ነው የኔ ጌታ
አልከለከል ምስጋና አልከለከል ውዳሴ ለአንተ ውለታ
ጨለማዬ በአንተ በራልኝ
ከሰው ትከሻ ወረድኩኝ
የምመራበት ዱላዬ
በአንተ ተጥሏል ጌታዬ
አሁን በግላጭ አያለሁ
ሙሉ ሰው በአንተ ሆኛለሁ

አዝ . . . . . . . . . . . .
የመውገርያው ድንጋይ ቀረልኝ
ጠላቴ በፊቴ አፈረልኝ
በፊትህ አቆምከኝ በጸጋ
ገዝተኸኛልና በዋጋ
ለውለታህማ ምን እላለሁ
ተመስገን ብዬ አልፈዋለሁ

አዝ . . . . . . . . . . . .
ሰላላው እጄን አቅንተሃል
ሽባነቴንም ተርትረሃል
ደካማነቴ ተወገደ
ያ ክፉ መንፈስ ተሰደደ
ታውጆልኛል ነጻነቴ
አመልክሃለሁ በህይወቴ

አዝ . . . . . . . . . . . .
የአይኔ ላይ ቅርፊት ወለቀ
ሸክሙ ከላዬ አለቀ
በደማስቆ ብርሃን መታኸኝ
የራስህ ምርጥ እቃ አደረግከኝ
ያ ሁሉ ድካሜ አለፈ
ልቤ ለፍቅርህ ተሸነፈ

አዝ . . . . . . . . . . . . /2x/
††† ††† †††
 

በዙፋኑ ፊት በላይ ያለው

በዙፋኑ ፊት በላይ ያለው
የጌታ መልአክ ከኔ ጋር ነው
ከኔ ጋር ነው አልፈራም ሞገዱን
ከእኔ ጋር ነው ጠባቂዬ እርሱ ነው
ከእኔ ጋር ነው አልፈራም እሳቱን
ከእኔ ጋር ነው ታምኜ እወጣለሁ
ምህረት ይለምናል ፍቅርና ይቅርታ
ከታመነው ንጉሥ ከሠራዊት ጌታ
አጽንቷል እግሮቹን እንዳይናወጹ
ባህሩን አቁሟል የሚካኤል ድምጹ
አዝ . . . . . . . . . . . .

ወርዷል ከሰማያት ክንድን ሊያበረታ
ሚካኤል ወዳጄ የነፍሴ እፎይታ
ይዘረጋል ክንፉን ረበበ በላዬ
ያጅበኛል ሁሌ ከፊት ከኋላዬ
አዝ . . . . . . . . . . . .

የነሐሱ መውጊያ ደጆቹን ቆረጠ
ከእስረኞቹ መሃል ልጁን አስመለጠ
አደገድጋለሁ ለዚህ ባለክብሩ
የፅዮን ካሕናት በደስታ ዘመሩ
አዝ . . . . . . . . . . . .

ምህረት ይለምናል ፍቅርና ይቅርታ
ከታመነው ንጉሥ ከሠራዊት ጌታ
አጽንቷል እግሮቹን እንዳይናወጹ
ባህሩን አቁሟል የሚካኤል ድምጹ
አዝ . . . . . . . . . . . . /2x/
 

ባለ ጸጋ እመቤት

ባለ ጸጋ እመቤት ባለ ጸጋ እመቤት ባለ ጸጋ እናት
አፍሰናል ከደጅሽ ብዙ በረከት
ወጀቡን ቀዝፈናል ብለን ማርያም
እንዘምራለን እስከ ዘላለም
ሰው በሌለበት ከተማ
ሞት በከበበው ጨለማ
ወገን ገንዘቤ ዘመዴ
በምልጃሽ ቀንቷል መንገዴ
ፋና ሆነሽኝ መብራቴ
በክብርሽ ደምቆልኝ ቤቴ
ሐሴት አረኩኝ ደስታ
ያዘነው ገፄ ተፈታ
አዝ . . . . . . . . .

እንደኔ ሐጥያት በደል
ይገባኝ ነበር መስቀል
ፅኑ ኪዳኗ ጋረደኝ
እምባ ጸሎቷ ታደገኝ
እስኪ ልናገር ስራዋን
የምህረት እናት መሆኗን
ጽዮን እጆቿን ዘርግታ
አስታርቃኛለች ከጌታ
አዝ . . . . . . . . .

የክብር ሰንደቅ አርማዬ
ወደ መቅደሱ መግቢያዬ
አንቺን ይዣለሁ ጠበቃ
የሞቴ ታሪክ አበቃ
እልል እላለሁ ከልቤ
ለቅሶዬ ሰምሮ ሐሳቤ
ድንግል ፍቅር ናት ሰላም
ለክብሯ ይስገድ አለም
አዝ . . . . . . . . .

የእልፍኜ ማማር ውበቴ
ትሩፋቴ ነሽ ሙላቴ
ስምሽ መቀነት ሆኖኛል
የዛለው ክንዴ በርትቷል
ባማረው ቤትሽ አድጌ
በልጅሽ ጸጋ በልፅጌ
በእናትነትሽ በረከት
ይኸው ቆሜያለሁ በህይወት
አዝ . . . . . . . . . /2x/

††† ††† †††
 

እረኛዬ ነህ

እረኛዬ ነህ /2x/ የነብሴ ቤዛዋ
የቆሰልክላት አንተ የሞትክላት ባለውለታዋ
ልሰማራ ልውጣ እንጂ ተማምኜ
አንተ ካለህ ታዳጊ እና አዳኜ
የአለም ሰልፏ ብዙ ነው በፍራቻ
የኔ ሞገስ አጀቤ አንተ ብቻ

አዝ . . . . . . . . .
በቁጣህ ቀን ቤቴ በእሳት ሲታጠር
አንተ ባትኖር እኔም የለሁም ነበር
የማያልፈው አለፈ በህይወቴ
ጋርደህልኝ ከልለኸኝ አባቴ

አዝ . . . . . . . . .
እንዳልደክም እንዳልሞት በመንፈሴ
ከቶ አትስጠኝ አሳልፈህ ለራሴ
ከፍ ያልክ ነህ ከፍ ያልከው በምስጋና
ሁሌም አዲስ ጉልበት የምታጸና

አዝ . . . . . . . . .
ጎደለልኝ የመከራው ሙላቱ
በአንተ ታዞ በጊዜው በሰአቱ
የሳኦል ጦር አለፈ በራሴ ላይ
እንደዘበት ከሞት ጋር ሳልገናኝ
አዝ . . . . . . . . . /2x/
††† ††† †††
 

እንደ እግዚአብሔር ያለ

እንደ እግዚአብሔር ያለ ማንም የለምና /2x/
እልል በሉ ቁሙ ለምስጋና /2x/
ባህር ተከፈለ እስኪታይ መሬቱ
ፈርኦን ወደቀ አልሰራም ትምክህቱ
ደካሞቹም ፀንተው ተራመዱ
ሐይለኞቹም ይኸው ተዋረዱ

አዝ . . . . . . . . .
የኢያሪኮ ቅጥር የማይደፈረው
ይኸው ፈራረሰ የሰው እጅ ሳይነካው
ሐይለኞቹም ቢበረታቱብን
እንፀናለን በእርሱ ተደግፈን

አዝ . . . . . . . . .
የተወረወረው የጠላታችን ጦር
ሜዳ ላይ ወደቀ ጋሻ ሆኖ እግዚአብሔር
ለስላሴ ይድረስ ምስጋናችን
ተሸነፈ አዳኝ ጠላታችን

አዝ . . . . . . . . .
ባህር ላይ ሲራመድ ሞገስ አለው እርሱ
በግርማ ሲነሳ ሰጥ ይላል ነፋሱ
የድንግል ልጅ እኛ የምናመልከው
ከሃሊ ነው የለም የሚመስለው

አዝ . . . . . . . . . /2x/
††† ††† †††
 

እንዳንተ ያለ እረኛ

ፍቅር ነህ አባቴ ፍቅር ነህ ፍቅር ነህ ጌታዬ
በሰላም እኖራለሁ አልፎልኝ ያ ሁሉ ስቃዬ
ከቁጥር በዝቶ ሃጥያቴ በደሌ ቢያስጨንቀኝም
ተስፋ ቆርጬ በራሴ ለማረፍ ሞቴን በመኝም
አልተሟጠጠም ትእግስትህ ለልጅህ ያለህ ፍቅር
አልነቀልከኝም ጨክነህ ህይወቴ ስልህ ልኑር

አዝ . . . . . . . . . . . . . . . . . .
እንዳንተ ያለ እረኛ እንዳንተ ያለ ወዳጅ
የትም አላገኝ ስፈልግ እድሜ ዘመኔን ብፈጅ
ፍቅር ነህ አባቴ ፍቅር ነህ ፍቅር ነህ ጌታዬ
በሰላም እኖራለሁ አልፎልኝ ያ ሁሉ ስቃዬ

አዝ . . . . . . . . . . . . . . . . . .
ገድቡን አልፎ ሃዘኔ ሲሰብረው ጽኑ ልቤን
ብቻዬን መሆን ፈለግኩኝ መሸከም ከብዶኝ ስድቤን
እያቃሰትኩኝ ፈለኩህ እየታመምኩኝ አባቴ
አስተውያለሁ ፍቅርህን ተስለህብኝ ከፊቴ

አዝ . . . . . . . . . . . . . . . . . .
ምርጫዬ ስህተት አይደለም ማፍቀሬ አንተን ለይቼ
እመሰክራለሁ ስላንተ ሳላፍር አፌን ሞልቼ
ምክንያት አትሻም ስትወደኝ ባዶ ሆኜ ነው ያየኸኝ
ከሸለቆ ውስጥ ተጥዬ ለዛሬው ክብር ያሰብከኝ

አዝ . . . . . . . . . . . . . . . . . . /2x/
††† ††† †††
 

እግዚአብሄር ስራው ድንቅ ነው

እግዚአብሄር ስራው ድንቅ ነው
ለኔ ያደረገው ብዙ ነው
እረዳቴ እርሱ ነው ከሰማያት
እግዚአብሄር ጠባቂ ለኔ ህይወት
ብርሃኑን በፊቴ የሚያበራ
አምላኬ ድንቅ ነው የእርሱ ስራ

አዝ . . . . . . . . . . . .
በመንገዴ ሁሉ የሚመራኝ
ስነሳ ስወድቅም የሚያስበኝ
ማንም አልመጣልኝ ከወገኔ
ከሁሉም ይበልጣል እርሱ ለእኔ

አዝ . . . . . . . . . . . .
የእዳዬን ደብዳቤ ውድቅ አድርጎ
ህይወቴን መራልኝ ወደ በጎ
ኧረ እንደ እግዚአብሄር ማን ይሆናል
እርሱን ለሚፈሩት ይታመናል

አዝ . . . . . . . . . . . .
አንድ ቀን አስቤ ተጨንቄ
ለመኖር አልቻልኩም ተጠንቅቄ
ሁሉን ነገር ለእርሱ ትቼዋለሁ
በምህረቱ ጥላ እኖራለሁ

አዝ . . . . . . . . . . . . /2x/ ††† ††† †††
 

ዕፁብ ድንቅ ነው ውለታው

ዕፁብ ድንቅ ነው ውለታው
እግዚአብሔር ለኛ ያረገው
ከቶ አይጥለንም ለዘላለም
እንደ አምላካችን ማንም የለም
ወድቀን ነበረ ተነስተናል
ባህር አቁሞ አሻግሮናል
ድንቅ አደረገ ተአምር ሰራ
እያንሳፈፈ ያን ተራራ

አዝ . . . . . . . . .
የጠፋዉን በግ የፈለገ
እራሱን ባዶ ያደረገ
መስቀል ታቅፎ ክንዱ ዛለ
ምን ያልሆነልን ነገር አለ

አዝ . . . . . . . . .
ከአባትም በላይ አባት ነው
የልጆቹ እንባ የሚገደው
የጭንቀታችን ተካፉይ
አዛኝ ጌታ ነው ሁሉን ቻይ

አዝ . . . . . . . . .
ዳግም እንድንቆም በህይወት
ፍጹም ወደደን እስከሞት
ከእንግዲህ አንፈራም እንፀናለን
ለክፉ የማይሰጥ አባት አለን
አዝ . . . . . . . . . (2x)
††† ††† †††
 

ወደ ማደሪያው ገብቼ

ወደ ማደሪያው ገብቼ ልስገድ ለእግዚአብሔር
ምስጋናንም ላቅርብ ስለ ስሙ ክብር /2x/
አድርጎልኛልና አመሰግነዋለሁ
በአፀደ መቅደሱ እሰግድለታለሁ
ከፊቱ ለመቆም ማልጄ እነሣለሁ /2x/

አዝ . . . . . . . . . . . . . . . . . .
በመከራዬ ቀን ሆኖኛል መከታ
ቤቱ ተገኝቼ በፍጹም ደስታ
የከንፈሬን ፍሬ ልሰዋ በዕልልታ /2x/

አዝ . . . . . . . . . . . . . . . . . .
ዐሥር አውታር ባለው በበገና
በመላእክቱ ፊት ለማቅረብ ምስጋና
የአፌንም ነገር ሰምተኸኛልና/2x/

አዝ . . . . . . . . . . . . . . . . . .
ለስሙ ልንበርከክ ለእርሱ እንደሚገባ
ስእለቴን ልፈጽም ላቅርብለት መባ
ወደ አደባባዩ በምስጋና ልግባ /2x/

አዝ . . . . . . . . . . . . . . . . . .
አሸበሽባለሁ ድምፄን አሰምቼ
በቤተ መቅደሱ ሌሊት ተገኝቼ
እንደ ካህናቱ እጆቼን ዘርግቼ /2x/

አዝ . . . . . . . . . . . . . . . /2x/
††† ††† †††
 

ዝም አትበሉ እግዚአብሔርን አመስግኑ

ዝም አትበሉ እግዚአብሔርን አመስግኑ(2x)
ቅዱስ ቅዱስ ቅዱስ ቅዱስ ቅዱስ በሉ
መላእክትን ሁኑ ምስጋናን ጨምሩ ቅዱስ ቅዱስ በሉ
የሙሴ እህት ማርያም ከበሮውን አንሺው
በምስጋና መዝሙር እግዚአብሔርን ጥሪዉ
አምላክን እናክብር እንዘምር በእልልታ
ከኛ ጋር ይሆናል የሠራዊት ጌታ (2x)

አዝ . . . . . . . . . . . .
ፍጥረታትም ጩሁ ሰማያት ዘምሩ
ስለቅድስናዉ ዉዳሴ ጀምሩ
ዳዊት ሆይ ተነሣ ስለጽዮን ዘምር
ከበሮ ይመታ በገና ይደርደር (2x)

አዝ . . . . . . . . . . . .
ወገኖች እንዘምር ለእግዚአብሄር ክብር
ውለታው ብዙ ነው ለኛ ያለው ፍቅር
ማዳኑን ያያችሁ ዘምሩ በእልልታ
ለጌታ ለእግዚአብሄር ለሰራዊት ጌታ (2x)

አዝ . . . . . . . . . . . .
ባህሩን አቋርጦ ወንዝ ያሻገራችሁ
ተራራውን ንዶ ያገለለላችሁ
በአውሎ ንፋስ መሃል መንገድ አለው ጌታ
ለንጉስ ክርስቶስ እንዘምር በእልልታ (2x)

አዝ . . . . . . . . . . . . /2x/
††† ††† †††
 

የሚመስልህ የለም

የሚመስልህ የለም የኛ መድሐኒአለም (2X)
ከፍ በል በአለም እሰከ ዘለዓለም (2X)
ሰማይና ምድርን በቃልህ አጽንተሃል
እልፍ አእላፋትን መላእክትን ፈጥረሃል
በአፍህ እስትንፋስ ሰውን አኑረሃል
የኛ መድሐኒአለም ምን ይከፈልሃል (2X)

አዝ . . . . . . . . . . . . . . .
የኛን ሰጋ ለብሰህ በምድር ታይተሃል
ጎባጣን አቅንተህ እውር አብርተሃል
ሽባውን ተርትረህ ዲዳን አናግረሃል
የሚሳንህ የለም ሁሉም ይቻልሃል (2X)

አዝ . . . . . . . . . . . . . . .
በነፍስም በስጋም ሰውን ፈውሰሃል
ኅብስቱንም ባርከህ ሁሉን አጥግበሃል
የሰይጣንን ሴራ ኃይሉን አክሽፈሃል
በጨለማ ላሉ ብርሃን ሆነሃል (2X)

አዝ . . . . . . . . . . . . . . .
በመስቀል ላይ ሆነህ ሞትንም ሽረሃል
ለሰው ልጆች ሁሉ ትንሳኤን ሰጥተሃል
ወደ ቀድሞ ክብርህ ከፍ ከፍ ብለሃል
በአባትህ ቀኝ ዛሬም ይኸው ተቀምጠሃል
የኛ መድሐኒአለም ክብር ይገባሃል (2X)

አዝ . . . . . . . . . . . . . . . /2x/
††† ††† †††
 

የፍቅር እናት የሰላም

የፍቅር እናት የሰላም /2/
ይናፍቀኛል ስምሽን ሳልጠራው ስቀር ማርያም
በህይወቴ ውስጥ በኑሮዬ
ቅደሚ ክፊት ከኋላዬ
ተደላደለ ልቤ
አንቺ አለሽና ካጠገቤ
አዝማች. . . . . . . . .

ምኞቴም ይስመር ድብቅ ህልሜ
ልለፍ ወጀቡን ተቋቁሜ
የጌታዬ እናት ነሽ
ሀይልን ያደርጋል ጸሎትሽ

አዝማች. . . . . . . . .
እንዴት እቀራለሁ ከመንገድ
አደራ እናቴ አስቢኝ
ለሚያስጨንቀኝ ጠላት
ለሚያሳድደኝ አጽጪኝ
አዝማች. . . . . . . . .
ትላንትም ዛሬም አመስጋኝ ነኝ
የለም ለነገ የሚያስፈራኝ
ሜዳ ይሆናል ተራራ
አንቺ አለሽና ከኔ ጋራ
አዝማች. . . . . . . . . /2x/

††† ††† †††
 

ደስ ይበልሽ

ደስ ይበልሽ ደስ ይበልሽ
ማርያም ንጽህት ድንግል ደስ ይበልሽ
ከሴቶቹ ሁሉ የተባረክሽ ነሽ
ሰላም እልሻለሁ ማርያም ድንግል
እንደ ብስራታዊው ገብርኤል
ላንቺ የተሰጠሽ ሁለት ድንግልና
አንደኛው በስጋ ሌላው በህሊና

አዝ . . . . . . . . . . . . . . .
ከአለም ሁሉ ሴቶች ንጽህት በመሆንሽ
ሰማያዊው ምስጢር የተገለጸልሽ
የልኡል ማደሪያ ለመሆን የበቃሽ
የጌታችን እናት ድንግል ደስ ይበልሽ

አዝ . . . . . . . . . . . . . . .
የተነበየላት ህዝቅኤል ነብይ
የተዘጋችው በር ብሎ በራእይ
ሳይከፍት ገብቶ ወጣ የእስራኤል ጌታ
ደግሞም ለዘላለም ኖራለች ተዘግታ
አዝ . . . . . . . . . . . . . . .
ማርያም ስትጎበኛት ወደ ቤቷ ገብታ
ኤልሳቤት ዘመረች በመንፈስ ተሞልታ
በማህጸኗ ያለው ዘለለ በደስታ
እኛንም ትጎብኘን ከጥዋት እስከ ማታ
አዝ . . . . . . . . . . . . . . . /2x/
††† ††† †††
 

ገብርኤል ሀያል

ገብርኤል ሀያል መልአከ ሠላም መልአከ ብሥራት
የምታወጣ የእግዚአብሄርን ሕዝብ ከሚነድ እሳት
ፍቅርህ ተስሏል በልባችን ፊጥ ቆመናል ባረከን በለን
የጽናታቸው ዝናው ሲሰማ
ከዚያች ባቢሎን ከሞት ከተማ
ሕጻናት ሳሉ በራ እምነታቸው
ቆመህ ተገኘህ መሃከላቸው

አዝ . . . . . . . . . . . .
ውሃው ሲዘልል ቢያስደነግጥም
በጋኖቹም ውስጥ ቢነዋወጥም
ጸንተው ዘመሩ ልጅና እናቱ
አንተ ስትደርስ ከዚያ ከእሳቱ

አዝ . . . . . . . . . . . .
ቂርቆስም ጸና ሞትን ሳይፈራ
አንተ ስላለህ ከእነርሱ ጋራ
አትፍሪ አላት ስለምን ትፍራ
አምነው ድል ነሱት ያንን መከራ

አዝ . . . . . . . . . . . .
እኔም አምናለሁ አድነኝ ብዬ
ቆመህ አማልደኝ ከቸር ጌታዬ
ክፉውን ዘመን የማልፍበትን
ጽናትን ስጠኝ ድል ልንሳበት
አዝ . . . . . . . . . . . ./2x/
††† ††† †††
 

ገብርኤል በሰማይ

ገብርኤል በሰማይ ኤልሳቤጥ በምድር
ይመሰክራሉ ድንግል ያንችን ክብር
ትፀንሲ ሲልሽ በከበረ ዜና
ይሁንልኝ አልሽው ትውልድ እንዲፅናና
ከገብርኤል ሰምተው መላእክቱ ሁሉ
ለበጉ ማደሪያ ክብርን ይሰጣሉ
ብፅእት እንላለን እኛም አደግድገን
የራማውን መልአክ አብነት አድርገን

አዝማች . . . . . . . . . . . . . . .
ስራሽ በምድር ነው ሐረግሽ ከሰማይ
ንፁህ መሶበ ወርቅ የተሞላሽ ሲሳይ
የማህፀንሽ ፍሬን በላነው ጠጣነው
በኤፍራታ ሰምተን በዱር አግኝተነው
የተሰወረውን መና በልተነዋል
ከተመረጡት ጋር ብፅእት ብለናል

አዝማች . . . . . . . . . . . . . . .
ከተፈጥሮ በላይ ጽንስን ያዘለለ
የእሳት ምሶሶ ባንቺ ተተከለ
የእግዚአብሄር ሃገሩ የእንጀራ ቤታችን
ምንኛ ድንቅ ነው ክብርሽ እናታችን
ብፅእት እንላለን እኛም አደግድገን
ቅድስት ኤልሳቤጥን አብነት አድርገን

አዝማች . . . . . . . . . . . . . . .
ተወልዶ በግርግም ተኝቶ ስላዩት
ስውና መላእክት አብረው አከበሩት
የጥሉ ግድግዳ በልጅሽ ፈረሰ
በዳግሚት ሔዋን የአዳም ዘር ተካሰ
እጅ እንነሳለን ሆነን በትህትና
ክብርሽን መመስከር ክብራችን ነውና

አዝማች . . . . . . . . . . . . . . .
ተወልዶ በግርግም ተኝቶ ስላዩት
ሰውና መላእክት አብረው አከበሩት
የጥሉ ግድግዳ በልጅሽ ፈረሰ
በዳግሚት ሔዋን የአዳም ዘር ተካሰ
ብፅእት እንላለን እኛም አደግድገን
የራማውን መልአክ አብነት አድርገን
አዝማች . . . . . . . . . . . . . . . /2x/
††† ††† †††
 

አይሰለቸኝም ከቶ

አይሰለቸኝም ከቶ ውዳሴ መዝሙር ቅኔ
ብዙ ነው ያረገልኝ እግዚአብሔር በዘመኔ
ቸርነቱና ፍቅሩን ያላራቀ ከባርያው
በለመለመ ስፍራ በጎቹን የሚያሰማራው
ልዩ ነው የኛ ንጉስ ልዩ ነው የኛ ጌታ
መጽሐፉን የገለጠ ማህተሙን የፈታ

አዝ . . . . . . . . . . . .
አንገቱን ፍጹም ደፍቶ ቀና እንድል አድርጎኛል
እየታመመ ሞቶ በህይወት አቁሞኛል
አልችልም የሱን ፍቅር መዘርዘርና ማውራት
ውልታውን ለመግለጽ የለኝም ብርቱ ቃላት

አዝ . . . . . . . . . . . .
ያንተ ክንድ የማይችለው ተራራ ጋራ የለም
ወጥቻለሁ ከጥልቁ ታላቅ ነህ ለዘላለም
የተከፈተ ደጃፍ ሰጥተኸኛል በፊቴ
ተመስገን ክበርልኝ ንገስልኝ አባቴ

አዝ . . . . . . . . . . . .
ለይተህ የጠራኸኝ ያበዛህልኝ ጸጋ
ትዝታዬ ነህ ጌታ ሲመሽና ሲነጋ
ወዳጅና ዘመዴ ብዬ ስጠራህ ልኑር
ኢየሱስ የእግዚአብሄር ልጅ ለወጠኝ ያንተ ፍቅር

አዝ . . . . . . . . . . . . /2x/
††† ††† †††